LANDSNEVNDIN

• leiðir samskipanina og hevur umsjón við arbeiðinum, soleiðis at endamál og grundreglur vera fylgd. 
• velur umboð í: Útbúgvingarnevnd, FUR, FSR og NSK.
• velur aðrar arbeiðsnevndir eftir tørvi. 
• góðkennir arbeiðsúrslit hjá øllum nevndum og arbeiðsbólkum.
• ásetur uppgávurnar hjá forkvinnuni og hinum limunum í LN.
• leggur arbeiðsætlan fyri hvørt skótaár og kunngerð tað fyri leiðarunum.
• hevur minst 6 fundir árliga.
• ger, um tørvur er á tí, reglugerðir eftir avgerðum tiknar á landsfundi og broytingaruppskot í grundlóg og viðtøkum.
• góðkennir árliga fíggjarætlan hjá samskipanini.

Fundarfrásøgn verður skrivað fyri hvønn fund og send limunum í nevndini. 

Fundarfrásøgnin skal góðkennast á næsta fundi.

Um nevndarlimi berst frá at møta á fundi, skal sigast frá hjá forkvinnuni og eykalimur innkallast.