Úlvurin/títlingurin skal

Útdýping

Laða ein varða

Endamálið er at geva úlvunum/títlingunum betri fatan av, hvat ein varði er, hvussu hann er uppbygdur og hvønn týdning hann hevur havt.

Varðin skal hava eitt ‘breitt’ fundament, sum bygt verður á.

Stødd og hvar varðin verður bygdur kann nýtast í søguni um varðan, at hann bleiv nýttur at ganga eftir, tá ið tað í gomlum døgum varð farið var millum bygdir. Støddin hevur týdning í mun til, hvussu langt varðin skal síggjast, og staðið hevur týdning, tí tað gevur rætning til tey, ið ganga.

Úlvarnir/títlingarnir kunnu gera varðar til t.d. eina renning, har varðarnir verða nýttir til postar.

GG: Ikki er loyvt at laða ein varða í haganum og lata hann vera standandi. Vandi er fyri, at tað kann takast fyri ein rættan varða. Tí enn nýta gongufólk varðarnar, tá ið farið verður millum bygdir.

Stoypa spor

Til ber at stoypa djóraspor, so sum seyð, hund, kettu, haru, dunnu og neyt, ið verða funnin á einum gongutúri ella tílíkum. Verður einki djóraspor funnið, kunnu úlvarnir/títlingarnir sjálvir gera eitt fótaspor ella annað.

Eygleiða djór og tekna tað, ein hevur sæð

Tað ber til at eygleiða eitt djór serliga væl ella at eygleiða fleiri djór, og síðani tekna okkurt av tí, ein hevur sæð.